بحث
  • 7mama

لو مستعجل وعايز مندوب شحن فورا .. تعمل إيه ؟

تاريخ التحديث: مارس 26


فيه أوقات بنبقى محتاجين فيها مندوب شحن فورا.


فيه ظروف لا تتحمل بحث وانتظار.


بيكون صعب إننا نعرض طلب الشحن على التطبيق وننتظر أى تفاعل من مندوبين التطبيق.


معظمنا بيتعرض للموقف ده فى أوقات كتير 🙈


فى ليلة عيد الأضحى السابق ...تواصل معنا أحد مستخدمى تطبيق حمامة وكان لديه حالة طارئة.والدته فى حالة حرجة ومطلوب توصيل دواء لها وصل حالا إلى مطار القاهرة وذلك إلى مدينة 6 أكتوبر فورا ....وأبلغنا أنه عرض الطلب على التطبيق ولكن يبدو لظروف العيد لم يتقدم أى مندوب للشحن بالرغم من أن سعر الشحن كان أكثر من المتعارف عليه.


بالفعل الوقت كان متأخرا ....والكل تقريبا منشغل بليلة العيد كعادتنا ...ولكن الظرف الإنسانى يحتم علينا المساعدة قدر إستطاعتنا.


بعد تفكير قررنا التواصل الشخصى مع كل مندوب قريب من منطقة مطار القاهرة من خلال قاعدة بيانات التطبيق المسجل بها أكثر من 3000 مندوب فى محافظات ومناطق مختلفة إلى أن أبدى أحد المندوبين مشكورا 💚 القيام بالشحن فورا.

والحمد لله تم تجاوز الأزمة خلال 45 دقيقة.


وبعدين أدركنا إن بالفعل فيه حالات بتكون مستعجلة ولا تحتمل إنتظار تواصل المندوبين ....وقلنا ليه مايكونش فيه على التطبيق خاصية "البحث الفورى عن مندوب فى مكان معين " ؟؟.... يعنى نختار مكان وليكن محافظة مثلا ونشوف كل المندوبين فى هذا المكان ويكون فيه إمكانية التواصل المباشر معهم تليفونيا أو عن طريق الواتساب.


الموضوع ده ممكن يحل مشاكل طارئة لا تحتمل الإنتظار ....وممكن يفيد المندوبين على التطبيق بشكل مباشر.


حاليا خاصية البحث عن المندوبين حاليا فى متاحة على تطبيق حمامة 👍





تختار المحافظة وهيظهرلك أفضل المندوبين داخل تلك المحافظة واللى ليهم سابقة أعمال وتقييم جيد على التطبيق.


يعنى تتطمن تماما وانت بتتعامل معاهم.


وبرضه علشان نحافظ على المندوبين اللى عندنا ...الخاصية دى متوفرة لطالبى الشحن اللى ليهم برضه تقييم على التطبيق علشان المندوب يبقى أكثر أمانا.


ممكن التعامل يكون من خلال التطبيق لكى تضاف إلى رصيد المندوب وصاحب الطلب ..أو يتعاملو مباشرة حتى لو خارج التطبيق.

المهم إننا نساعد بعض دائما فى تجاوز الأزمات الطارئة.


وربنا يسلم الجميع 🙏🙏.



250 مشاهدة0 تعليق