بحث
  • 7mama

فكرة حمامة ...تطبيق الشحن بنظام الدفع المقدم

لما لمسنا بنفسنا مشاكل عملية الشحن الداخلى وتأثيرها المباشر على أى بيزنس فكرنا إننا نعالج المشكلة بس بطريقة مختلفة.


فكرنا إن يبقى فيه سيستم يربط التجار بالمندوبين مباشرة وبدون أى وسيط.


السيستم يكون بيعتمد على التقييم المتبادل بين الطرفين لتوفير عنصر الأمان خصوصا فى نظام الدفع المقدم.


يعنى المندوب صاحب الخبرة والجدية والأمانة هيلاقى المناظر ليه من التجار والعكس صحيح.


وحتى شركات الشحن الداخلى عن طريق مندوبينها تقدر تتعامل بنفس السيستم.


ولما لقينا مشقة التاجر فى طلب الشحن وكذلك مشقة المندوب فى إيجاد طلبات الشحن خلينا الطلبات كلها فى مكان واحد.


ولما لقينا إن مافيش مرجعية واضحة لتكلفة الشحن خلينا الموضوع عرض وطلب بشكل مبسط بين الطرفين.


ولما لقينا عن تجربة إن موضوع الإجراءات الورقية لم يوفر عنصر الأمان خلينا الموضوع بسيط بدون تعقيدات.


ولما لقينا ضرورة المتابعة وصعوبة تحمل تليفونات المندوبين للمتابعة على الخرائط عملناها بشكل مختلف.


احنا معملناش كده من نفسنا ...احنا عملنا جروب وانضم لينا أفضل المندوبين والتجار واتناقشنا فى كل التفاصيل وعلى هذا الأساس عملنا تطبيق 7mama.


احنا مش شركة شحن ......احنا بس مؤمنين إن التكنولوجيا كفيلة بحل مشاكل كتير وممكن تساعد الجميع لحياة عملية أفضل.


إحنا كمان متأكدين إن أى محاولة لتحسين مستوى عمليات الشحن هيكون ليها تأثير مباشر على مستوى أى بيزنس وبالتالى مستوى الاقتصاد المحلي ومش هنبالغ لو قلنا أكتر من كده.






8 مشاهدة0 تعليق